FoodEx 2025 ප්‍රදර්ශනය

“Food Excellence” යන්නෙන් අර්ථවත් වන FoodEx යනු වෘත්තීය තාක්ෂණ විශ්වවිද්‍යාලයේ කෘෂිකර්ම හා ආහාර තාක්ෂණ දෙපාර්තමේන්තුව මගින් මෙහෙයවනු ලබන ප්‍රධානතම වාර්ෂික ප්‍රදර්ශනයයි.

ලෝක තරුණ නිපුණතා දිනයට සමගාමීව මෙවර පවත්වන ලද්දේ මෙහි 5 වන අදියරයි. “තාක්ෂණයෙන් බලගැන්වෙන හරිත අනාගතයක්” යන තේමාව ඔස්සේ තිරසාර ආහාර පද්ධති නිර්මාණය සඳහා නූතන තාක්ෂණයේ දායකත්වය මෙහිදී මැනවින් පැහැදිලි කෙරිණි.

ප්‍රදර්ශනය සමාරම්භ කරන ලද්දේ වැඩබලන උපකුලපති ආචාර්ය L.W.S. කුලරත්න මහතා විසිනි. විශේෂඥ විනිශ්චය මණ්ඩලයක් මගින් විශිෂ්ටතම නව නිපැයුම් 18ක් ඇගයීමට ලක් කළ අතර ජනප්‍රියම නිෂ්පාදනය ප්‍රේක්ෂක මනාපයෙන් තෝරා ගන්නා ලදී.

FoodEx’25 සම්මාන ප්‍රදානෝත්සවය 2025 ජූලි 16 වන දින විශ්වවිද්‍යාල ශ්‍රවණාගාරයේදී පැවැත්විණි. ජ්‍යෙෂ්ඨ මහාචාර්ය K.K.D.S. රණවීර මහතා සහ මලිබන් සමූහ ව්‍යාපාරයේ ප්‍රධාන විධායක නිලධාරී රවී ජයවර්ධන මහතා ඇතුළු සම්භාවනීය අමුත්තන් රැසක් මෙයට සහභාගී වූහ.

මලිබන් සමූහය මෙහි ප්‍රධාන අනුග්‍රාහකයා ලෙස කටයුතු කළ අතර, ව්‍යවසායකත්ව අංශයෙන් කැපී පෙනෙන දස්කම් දැක්වූ කාවින්ද්‍යා ජයසිංහ මෙනවිය වෙත “වසරේ ව්‍යවසායකයා” සම්මානය පිරිනැමීම මෙහි විශේෂ සිදුවීමක් විය.