FoodEx 2025 கண்காட்சி

“Food Excellence” என்பதிலிருந்து பெறப்பட்ட FoodEx என்பது தொழில்நுட்பவியல் பல்கலைக்கழகத்தின் விவசாயம் மற்றும் உணவு தொழில்நுட்பத் துறையினால் ஏற்பாடு செய்யப்படும் முதன்மையான வருடாந்த கண்காட்சியாகும்.

உலக இளைஞர் திறன் தினத்துடன் இணைந்து இதன் 5வது பதிப்பு நடைபெற்றது. “தொழில்நுட்பத்தால் வலுவூட்டப்பட்ட பசுமை எதிர்காலம்” என்ற இவ்வாண்டின் கருப்பொருள், நிலையான உணவு முறைகளை உருவாக்குவதில் நவீன தொழில்நுட்பத்தின் பங்கை வலியுறுத்தியது.

இந்த கண்காட்சி பதில் உபவேந்தர் கலாநிதி L.W.S. குலரத்ன அவர்களால் ஆரம்பித்து வைக்கப்பட்டது. நிபுணர் குழுவினால் 18 சிறந்த கண்டுபிடிப்புகள் தேர்ந்தெடுக்கப்பட்டதுடன், பார்வையாளர்களின் வாக்களிப்பு மூலம் மிகவும் பிரபலமான தயாரிப்பு தேர்வு செய்யப்பட்டது.

FoodEx’25 விருது வழங்கும் விழா 2025 ஜூலை 16 அன்று பல்கலைக்கழக மண்டபத்தில் நடைபெற்றது. சிரேஷ்ட பேராசிரியர் K.K.D.S. ரணவீர மற்றும் மலிபன் குழுமத்தின் தலைமை நிர்வாக அதிகாரி திரு. ரவி ஜயவர்தன உள்ளிட்ட முக்கிய விருந்தினர்கள் இதில் கலந்துகொண்டனர்.

மலிபன் குழுமம் முதன்மை அனுசரணையாளராகச் செயற்பட்டதுடன், முன்னாள் மாணவியான செல்வி காவிந்தியா ஜயசிங்கவிற்கு “ஆண்டின் சிறந்த தொழில்முனைவோர்” விருது வழங்கப்பட்டது.