වාර්ෂික උපාධි ප්‍රදානෝත්සවය 2025

වෘත්තීය තාක්ෂණ විශ්වවිද්‍යාලයේ 11 වන වාර්ෂික උපාධි ප්‍රදානෝත්සවය 2026 ජනවාරි 07 වන දින කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී (BMICH) උත්කර්ෂවත් අයුරින් පවත්වන ලදී.

මෙහිදී උපාධි පාඨමාලා 14 ක් යටතේ සිසුන් 697 දෙනෙකු සිය උපාධි ලබා ගත් අතර, එය ඔවුන්ගේ අධ්‍යාපනික ජීවිතයේ සුවිශේෂී සන්ධිස්ථානයක් සනිටුහන් කළේය.

විශිෂ්ට අධ්‍යාපනික දක්ෂතා දැක්වූ සිසුන් 23 දෙනෙකු මෙහිදී විශේෂ සම්මානයෙන් පිදුම් ලැබූහ. ඒ අතරින් සමස්ත අධ්‍යාපනික විශිෂ්ටත්වය වෙනුවෙන් පිරිනමනු ලබන 'විද්‍යා ජෝති මහාචාර්ය දයන්ත එස්. විජේසේකර අනුස්මරණ රන් සම්මානය' අසින්ෂානී මේනකා හේරත් මෙනවිය විසින් හිමිකර ගන්නා ලදී.

ගුණාත්මක වෘත්තීය අධ්‍යාපනයක් ලබා දෙමින් රටේ සංවර්ධනයට දායක විය හැකි දක්ෂ උපාධිධාරීන් බිහිකිරීමට විශ්වවිද්‍යාලය දක්වන කැපවීම මෙම උත්සවයෙන් මැනවින් පිළිඹිබු විය.