தைப்பொங்கல் விழா 2026

பல்கலைக்கழக வளாகம் வர்ண கோலங்கள், கரும்புகள் மற்றும் தமிழ் பாரம்பரியத்தைப் பிரதிபலிக்கும் அலங்காரங்களால் அழகுபடுத்தப்பட்டிருந்தது. மாணவர்கள் பாரம்பரிய உடையில் மிளிர்ந்தனர்.

இயற்கைக்கு நன்றி செலுத்தும் அறுவடைத் திருநாளான தைப்பொங்கலின் முக்கியத்துவத்தை விளக்கும் வகையில் கலை நிகழ்ச்சிகள் மற்றும் பாரம்பரிய நடனங்கள் இடம்பெற்றன.

குத்துவிளக்கேற்றுதல் மற்றும் பொங்கல் பொங்கும் சடங்குடன் விழா ஆரம்பமானது. பொங்கி வழிந்த பொங்கல் பானை எதிர்வரும் ஆண்டிற்கான செழிப்பையும் வளத்தையும் குறிப்பதாக அமைந்தது.

பல்கலைக்கழக சமூகத்தினர் மத்தியில் பரஸ்பர மரியாதை மற்றும் நல்லிணக்கத்தை வளர்க்கும் வகையில் மாணவர்கள் மற்றும் ஊழியர்களின் உற்சாகமான பங்கேற்புடன் இவ்விழா இனிதே நிறைவுற்றது.